TARİX YARADANLAR ÖLMÜRLƏR

Veb sayt Azərbaycanın Milli Qəhrəmanı Çingiz Mustafayevin xatirəsinə həsr edilib. Saytda Çingiz Mustafayevin bütün həyat və fəaliyyəti işıqlandırılacaqdır.
«Çingiz Mustafayev adına Fond» haqqında yenilikləri də saytda tapa biləcəksiniz.
İstəyimiz Milli Qəhrəmanımızı internet məkanında gələcək nəsilə və bütün dünyaya tanıtmaqdır.

Çingiz Fuad oğlu Mustafayev 1960-cı il avqustun 29-da hərbçi ailəsində anadan olub. 1983-cü ildə Azərbaycan Tibb İnstitutunu bitirib. 1985-ci ildə yaratdığı «Cəngi» birliyindəki fəaliyyəti ilə Azərbaycan gənclərinin lideri səviyyəsinə yüksəlib. Bu Sovet İttifaqında başlanan yeniləşmə prosesinin Azərbaycanda təşəkkül tapan ilk yetkin təzahürü idi. Azərbaycanın mədəni-ictimai həyatında oynmağa başladığı rol Çingiz Mustafayevi islahtçı-novator lider simasında təqdim etməkdə idi.
Ermənistanın Azərbaycana qarşı Qarabağ təcavüzü başlayandan sonra Çingiz jurnalistikaya üz tutdu.

«215 KL» NƏ DEMƏKDİR VƏ ÇİNGİZ BU STUDİYANI NİYƏ TƏRK ETDİ… Müsahibim «215 KL» studiyasının direktoru Nicat Əliyevdir.